ހަަސަން ޚާލިދު

އެމްޑީޕީގެ 2028 ވަނަ އަހަރުގެ ރިޔާސީ ޕްރައިމަރީ ކާމިޔާބުކުރެއްވިއްޖެނަމަ، ރަނިންމޭޓަކަށް މާލޭގެ މޭޔަރު އާދަމް އާޒިމް ހަމަޖައްސަވާނެކަމަށް ކުރީގެ ނައިބު ރައީސް ފައިސަލް ނަސީމް އިއުލާންކުރެއްވުމާ ގުޅިގެން ސިޔާސީ މަސްރަހުގައި ބޮޑު ބަހުސެއް ވަނީ އުފެދިފައެވެ. މި ޕްރައިމަރީގައި ހަތަރު ބޭފުޅަކު ވާދަކުރައްވާނެކަން މިހާތަނަށް ހާމަކުރައްވާފައިވާއިރު، ޕްރައިމަރީގެ ކުރިން ނައިބު ރައީސްކަމަށް ވަޑައިގަންނަވާނެ ބޭފުޅަކު ހާމަކުރައްވައި ފުރިހަމަ ޕެއާއެއް ނެރުއްވި ހަމައެކަނި ކެންޑިޑޭޓަކީ ފައިސަލްއެވެ. މި ނިންމުމަކީ ޕާޓީގެ އާންމު މެންބަރުންނަށް ކަންކަން ސާފުކޮށްދީ، ހާމަކަން ބޮޑު ސިޔާސީ ވިސްނުމެއް އިސްކުރުމުގެ ނަމޫނާއެކެވެ.